Þórður kominn aftur;)

jæja þá er Þórður kominn aftur, sem betur fer fyrir mig eeeennn það fór nú samt ekki betur en svo að það virðist ekkert vera að gerast hjá mér hann er samt ekki alveg tilbúinn að gefast upp kallinn og vill að ég komi í skoðun aftur á föstudaginn.. síðasti séns! Ef að ekkert verður byrjað að gerast þá - nú þá er nokkuð augljóst að þetta gangi ekki án hormónagjafa til að stýra öllu ''draslinu'' hjá mér! ég er ferlega pirruð á þessu.. því ef þetta gengur ekki upp hjá mér núna að þá þarf að bíða til næstu blæðinga en þá erum við að flytja norður og þá er það ekki ganga hjá mér. Ég veit þá ekki hvenær ég mun fara næst! Það er meira en að segja það þegar maður er fluttur útá land 

En þetta kemur allt í ljós á föstudaginn og ég verð því bara að reyna að þrauka þangað til. Hef í rauninni ekkert meira að segja því þetta er það helsta sem fýkur um í kollinum mínum núna. Þannig að ég segi bara; þangað til næst....

..............................

jebbs þannig fór nú sú sjóferð! Veit ekki alveg hvar ég á að byrja, það er svo margt að brjótast fram í kollinum... en svona standa málin: planið var á föstudaginn að fara í skoðun og fá staðfest um að uppsetning yrði á morgun mánud. 11. júní. Svo átti að eiga notalega kvöldstund með múttu, Völlu og Rut. út að borða og fá sér smá margarita og rölta um bæinn. En planið breyttist dáltið eftir skoðunina. Ég mætti bjartsýn til Guðmundar og hlammaði mér í stólinn hjá honum og þegar hann byrjaði að skoða mig kom í ljós að það var ekkert byrjað að gerast.. það er að segja að slímhúðin var ekki orðin nógu þykk og eggbúin ennþá of lítil sem merkir það að það gæti farið svo að ekkert verði úr uppsetningu! EF að uppsetning verður, þá verður það fyrsta lagi næsta föstudag! Fer í skoðun á morgun og þá kemur það betur í ljós. Allir að krossa putta!!

Ég kom heim á föstudagsmorguninn frekar svekkt og var ekki í miklu stuði til að gera nokkurn skapaðann hlut... En þá var nú gott að hafa hana múttu mína hjá mér, sérstaklega þar sem að Rikki er farinn á sjóinn aftur Þetta endaði með ferð í Kringluna og góða skapið var svo með í för þegar haldið var á Red Chilli um kvöldið og við gellurnar skemmtum okkur konunglega Alltaf gott að eiga góða vini og múttu! Svo var systkinahittingur daginn eftir hjá mömmu og mér var nú líka boðið

Þetta var dásamleg helgi og ég náði að kúpla mig frá þessu öllu saman! En núna er ég að verða dáltið stressuð fyrir morgundeginum.. Vona svo heitt og innilega að líkaminn minn sé að fylgja tíðahringnum rétt. Ég ætla ekkert að fara að segja frá allri helginni hreinlega vegna þess að ég nenni því ekki

Læt ykkur vita á morgun eftir skoðun hver niðurstaðan verður.

ta-ta (sagt með breskum hreim)

jæjajæja..

fór í skoðun sl mánudag og haldiði ekki að Þórður sé í fríi?!?! uppáhalds doktorinn..

jæjajæja.. Það var þá ekkert annað í stöðunni en að fá annan doktor og Guðmundur varð fyrir valinu. Heppinn hann jájá allt leit vel út og uppsetninginn verður sennilegast á mánudaginn næsta. Svo spurði ég hann hvort ekki væri hægt að fá að setja upp 2 fósturvísa og hann hélt það nú. Eins og ég sagði við hann; þetta hlýtur að vera okkar val - okkar ábyrgð.

Ég er stödd í vinnunni núna - obbobbobb - það er rólegt að gera akkúrat núna þannig að ég ákvað að láta þessar skemmtilegu upplýsingar inn núna. Mamma er ennþá hjá okkur en Rikki fer á sjóinn núna á fimmtudaginn.. en ég og mútta ætlum út að borða á Red Chilli á föstudaginn og fá okkur frozen margarita Svo er víst miniættarmót á laugardaginn; mamma og systkini hennar og...........ég! Það verður ''bröns'' og það verður víst ekki te að drekka svo fer hún mútta mín á sunnudaginn en þau koma nú öll yfir jól og áramót.. það er fínt að byrja hlakka til jólanna núna..

það er best að halda áfram að vinna.. takk í bili

kallinn kominn..

jæja, þá er kallinn kominn heim og mamma kom frá Noregi sl miðvikudag þess vegna er ég búin að vera svona léleg að blogga... Það var vorfagnaður í vinnunni þegar mamma var nýkomin í bæinn. Þannig að ég dró hana með mér og það var svaka stuð. Magni og Birgitta komu og sungu nokkur lög og spjölluðu við ungmennin og gáfu þeim eiginhandaráritun og teknar voru fullt af myndum. Daginn eftir dró ég hana svo með mér á bekkjarkvöld hjá Kristófer sem var mjög gaman líka. En nú er mútta á Húsavík og verður þar yfir helgina. Hún fær þá almennilegan sjómannadag og sjómannahóf, sem því miður virðist vera að deyja út á svo mörgum stöðum sem er hreinlega til háborinnar skammar! En það er annað mál...

Ég fer í skoðun á mánudaginn hjá Þórði þar sem hann ætlar að athuga hvort ég geti farið í lyfjalausa meðferð. Þá sleppi ég við sprauturnar og fer bara í uppsetningu sem yrði þá í kringum 10. júní. En við ætlum að spyrja hann hvort það sé ekki hægt að setja upp tvo fósturvísa í staðinn fyrir einn. Nú er nefnilega ''bannað'' að setja upp fleiri en einn því það var víst orðið svo mikið um tvíbura - sem er náttúrlega ekki slæmt - en þeir (jah eða fæðingalæknarnir) vilja ekki óþarfa áhættumeðgöngur. En málið er bara að það eru meiri líkur að það komi minnsta kosti eitt ef það eru settir upp tveir.. jaja það kemur í ljós hvað kallinn segir á mánudaginn

Kristófer er uppá Skaga í dag og við ætlum bara að njóta þess að gera ekki neitt (eða helling) meðan við erum bara tvö. Það er svo gott að hafa kallinn heima og kúra hjá honum 

takk í bili

fín helgi..

jæja - langa helgin búin og tveggja vikna ''sjúkralegan'' líka. En þetta var góð helgi Fór í óvissuferð með vinnunni þar sem við m.a. fórum í afródans í Baðhúsinu Það var hin besta útrás sem ég gat fengið!! Fékk líka alveg að heyra hvað ég lifði mig inní þetta allt saman - en vá! hvað ég þarf að fara að byggja upp þolið.. ég var gjörsamlega búin á því!!  En þetta skemmtilega kvöld endaði á Ölver þar sem við vorum öll skipuð í karókí ætla ekki að ræða það nánar..

En þetta var föstudagskvöldið.. svo á laugardagskvöldið fór ég heim til Kollu í Grafarvoginum ásamt Birgittu og Völu. Við grilluðum, rifjuðum upp gamlar minningar, horfðum á gamlar vídeóupptökur og ég veit ekki hvað og hvað. En það var mikið hlegið get ég sagt ykkur. Við vorum ansi sprækar og vorum að fram á rauða nótt. Ég ákvað að gista hjá Völu þar sem við vorum báðar barnlausar og Rikki á sjónum. Á leiðinni heim til hennar (um fimmleytið..) hringdum við eftir pizzu. Við komum heim til Völu og hentum okkur uppí rúm og skelltum Sex & the city í tækið, alltaf klassískt Svo gátum við ekki hægt að tala um hvað við værum svangar en svo bara allt í einu vöknum við klukkan 10:45...hmmm.. síminn minn dauður - ég sting honum í hleðslu, kveiki á honum og sé ''missed call'' kl akkúrat 05:57... jæks við höfðum greinilega báðar sofnað og síminn svo dáið þegar pizzagaurinn(gellan) hefur hringt. Jæja það er nú ekki annað hægt en að hlæja.. En Vala reddaði málunum fyrir okkur svangu gellurnar og brunaði útí búð og keypti ''sveittann mat''. Svo hentum við okkur aftur uppí rúm með Carrie og vinkonum hennar og þar lágum fram á seinnipart þegar Kolla hringir og bauð okkur að koma með bleikan ís með heitri súkkulaðisósu *slurp og slef*

Já þetta var æðisleg helgi ég eyddi svo mánudeginum að þrífa eftir sjúkraleguna mína og er bara ansi spræk. Við erum svo búin að ákveða okkur að fara aftur í glasameðferð nema að þetta verður ekki beint meðferð... ætla að útskýra það fyrir ykkur á morgun - er að verða þreytt 

En takk fyrir allar fallegu kveðjurnar - ég gæti ekki átt betri vini né fjölskyldu

vona að Rósa frænka stikni í helvíti!

já hún ''sökkar feitt'' (einsog unglingarnir segja) þessi Rósa frænka nú er hún að koma í heimsókn þegar hún er ekki velkomin! Ferlega er hún þver. Getur hún engan veginn tekið tillit til þess að viljum ekki sjá hana? við höfum ekki viljað fá hana í rúm 2 ár en samt þarf hún að birtast. Tók prufu í morgun og það var skýrt og greinilegt NEI!! þetta fjandans nei En ég þarf víst að fara í blóðprufu á morgun - það er skylda hjá þeim sem eru í glasa.. ohh hef svo engan áhuga á að rífa mig eldsnemma á lappir, bruna niðureftir, láta draga úr mér blóð og bíða eftir símtali sem verður milli 14 og 16 BARA til þess að heyra:,,því miður-það er neikvætt. En má bjóða þér að koma í viðtal og ræða framhaldið?'' Jakk.. nei takk! Nú verður bara tekin góð pása og svo séð til hvað gerist!

Ég hreinlega hef ekki orku né úthald í meira! Nú þarf ég virkilega að fara að hugsa um hvað ég vill gera við lífi mitt.. á ég að fara í skóla? hef ég úthald í það? munum við reyna aftur í vetur? ææjj ég veit það ekki. Ég veit ekkert í minn haus

En það er best að halda áfram að vorkenna sjálfum sér og éta fullt fullt af súkkulaði.

takk í bili

já það er erfitt að vera níu að verða tíu..

Þeir sem þekkja son minn hann Kristófer vita að hann er dáltið spes. Stundum held ég að hann sé fertugur.. hann horfir á fréttir og veit liggur við meira en ég hvað sé að gerast í hinum stóra heimi. Hann hefur sínar skoðanir sem hann stendur fast á hvað sem hver segir! Hann hefur sterkar skoðanir á Bush og hvalamálum - hann segist vera sjálfstæðismaður og hneykslaðist á pabba sínum fyrir að kjósa annan flokk. Hann stendur sig mjög vel í skóla og t.d. í gær var hann í stærðfræðiprófi og var hæstur með 9,5 hann æfir taekwondo af kappi og er að ljúka þriðja árinu þar. Já ég er stolt ungamamma...

En hann er líka níu ára að verða tíu ára strákur og hegðar sér einnig eftir því - stundum held ég að hann sé kominn á gelgjuna, ég get víst stundum verið ferlega glötuð mamma skv. honum og ég má ekki alltaf vera að kyssa hann og kjamsa. Við erum að fara að flytja til akureyrar í sumar og hann er ekkert að taka alltof vel í það; ég segi við hann að hann verði fljótur að eignast vini á akureyri - þá segir hann;,,en ég á vini hérna!'' - ég segi við hann að hann geti æft taekwondo á akureyri - þá segir hann;,,en það er ekki Fjölnir!'' og svona mætti lengi telja.

Núna rétt áðan kom hann inn með þessa líka dramatísku innkomu:,,mamma!!ég get ekki flutt til akureyrar!! það bara gengur ekki!!!!.'' Nú..? segi ég...,,já ég er kominn með kærustu!!'' úpps..ok, hvað gera bændur þá? Ég leyfði honum að eiga sítt dramatíska móment á meðan ég hugsaði mig um og svo hófst þessi líka móðurlega ræða um allt sem hann geti gert á akureyri og það ég skuli lofa honum að hann geti heimsókt vini sína og kærustu annað slagið. Pabbi hans og Magga eru að flytja til rvk og þegar hann er hjá þeim þá getur hann heimsókt vini sína...og kærustu ok.. hann róaðist aðeins. Ég talaði líka við vin hans því hann var líka frekar miður sín yfir þessu öllu. En nú á að stofna msn, email, gsm, sms, webkameru og ég veit ekki hvað og hvað..

En það sem er fyrir öllu er að hann er að sætta sig við þetta, hann ætlar að gefa akureyri séns.. prace the lord!!

já það er erfitt að vera níu að verða tíu..

hmmm..

kannski ættum við hérna á Íslandi að dansa stríðsdans svo sólin og hitinn komi og snjórinn fari? sakar ekkert að reyna..

Illir andar reknir á braut

þetta er allt að styttast..

nú eru 5 dagar í blóðprufuna.. þetta fer allt að koma í ljós! Er búin að vera jákvæð og neikvæð til skiptis yfir helgina. Fæ túrseiðing annað slagið og jújú það getur líka verið einkenni um óléttu, stundum næ ég að sannfæra mig um það og stundum ekki..

En hún yndislega og fallega Karen Guðbjörg kom í heimsókn til mín á föstudaginn ásamt foreldrum sínum; Rúnari og Fjólu. Hún fer alveg að verða 3ja mánaða gella! úff þau stækka svo hratt.. Finnst vera svo svakalega stutt síðan að ég var uppá spítala að verða vitni að komu hennar í heiminn, það var ein besta tilfinning (fyrir utan fæðingu míns eigins) sem ég hef fundið, enda finnst mér ég eiga svo mikið í henni 

Tengdapabbi og Ársæll (bróðir Rikka) eru í heimsókn. Ársæll er búinn að vera á fótboltaæfingum hjá KR núna í vikunni ásamt því að vera að skoða bíla. Hann er loksins búinn að finna sér bíl. Hann verður 17 ára 1. júní og nú er bara að ná bílprófinu Nú gæti það kannski orðið svo að Áræll verði hér hjá mér í sumar ef hann fær vinnu. Rikki verður á sjónum í júní og júlí þannig að það verður bara fínt fyrir okkur Kristófer að hafa extra félagsskap. Þetta er samt ekki alveg komið á hreint.. æ við skulum bara  segja það að það er asskoti erfitt að vera táningur nú til dags..

jæja það er best að hætta þessu bulli og skríða frammúr holunni minni svo fjölskyldan mín gleymi nú ekki hvernig ég lít út! (eða lít ekki út......).

takk í bili

framtíðin..?

ætli þetta verði framtíðin hjá eldri borgurum á Íslandi? einhvernveginn verða þeir að fá aukapening...

76 ára kona seldi hass