dusti dust!!

jæja það er að verða hálft ár síðan ég bullaði síðast en til að gera langa sögu stutta að þá búum við ennþá á akureyri og 10. janúar sl. byrjaði ég að sprauta mig fyrir uppsetningu á frystum, upps. var 13. feb og 27. feb fengum við JÁ 

Nú er ég búin að opna síðu á barnalandi og ætla að nota vefdagbókina þar fyrir bullið í mér. Albúmið er lokað en það má alveg senda mér email og sníkja lykilorðið; [e-mail]

þetta er linkurinn: http://barnaland.is/barn/71908/ 

ætla mér sennilega að hætta hér, bestu kveðjur Elísa glasamamma;)

til lukku með daginn!!

jebb mútta mín á afmæli í dag... á ég að segja aldurinn eða ætli hún afhöfði mig ef ég geri það??

ekki gott að segja... en til hamingju með afmælið mamsa

10 ár liðin..

...síðan unginn kom í heiminn! Til hamingju með afmælið Kristófer minn

verð að játa....

það er í alvöru ekkert grín að fara í matvörubúð eftir langan vinnudag og reyna að finna eitthvað í matinn!! ég er að vinna frá kl 9 til 18 og þá verð ég að skundast í búðina og brjóta það litla sem eftir er af heilanum til þess að ákveða hvað skal hafa í matinn.. ó hin eilífa og erfiða spurning: hvað skal eta í kveld?

Svo lítur maður yfir hópinn og spottar út þreyttar mæður með börnin sem eru örg og lúin eftir langan dag í leikskóla (eða dagmömmu) og sér hvað þær mæðast og blása og argast yfir því að það sé ekki endalaust hægt að hafa eitthvað nýtt í matinn.. úrvalið er bara ekki það mikið! Svo byrja börnin að biðja um allt milli himins og jarðar og mömmurnar gefa eftir til þess eins að kaupa frið.. hver láir þeim það? ekki ég!! minn strákur er rétt að verða 10 ára þannig að hann er kominn yfir þetta. En svo kemur hún Sunna okkar sem er rétt að verða 4 ára og hún er alveg eins og hin börnin og já ég ætla að játa það (þrátt fyrir að hafa ákveðnar reglur) að þá hef ég gefið mig undir svona kringumstæðum og játað mig sigraða.

ég held stundum að börnin séu ekkert að argast útaf þreytu.. þau bara kunna á okkur þreyttu mömmurnar sem nennum ekki að standa í væli eftir langan vinnudag..

konur með völd? veit ekki...

einu sinn máttu konur ekki kjósa, nei nei það var bara bannað af því að karlpeningurinn sagði það! En kellurnar gáfust ekki upp og börðust fyrir rétti sínum sem þær svo unnu og fengu að kjósa og auðvitað var þetta sigur fyrir kvenþjóðina.

Í dag eru samt konur ennþá að berjast; hærri laun, fleiri konur í valdastöður og þess háttar. Stundum er svo mikil barátta að það mætti halda að þær verði ekki ánægðar fyrr en þær taka yfir heiminn!    En eitt skal ég segja ykkur; ég er ekkert viss um að ég vilji hafa of margar konur í valdastöðu í þjóðfélaginu.. stundum finnst mér það vera þannig að þegar konur hafa  völd yfir einhverju (eða einhverjum) að þá tapa þær sér, bara gjörsamlega tapa glórunni

Þá komum við að kjarna málsins: það er nefnilega eitt sem að konur (í flestum tilvikum) hafa mestu völdin; börnin þegar barn kemur í heiminn og foreldrar eru ekki saman eða skilja að þá er það nú yfirleitt þannig að börnin búa hjá mömmunni og fólki finnst það svo sjálfsagt, getur einhver sagt mér af hverju það er sjálfsagðara? Er það bara þannig að mömmur eru betri foreldrar? ha? í alvöru?

En aðalmálið sem ég er að reyna að æla útúr mér eru forsjárlausu feðurnir; þeir hafa engin völd! Ekki nein, svo einfalt er það! Mamman þarf að skrifa undir pappíra til að sameiginleg forsjá eigi sér stað, en ef hún neitar? sorrí pabbar, ekkert hægt að gera í því. Ef að pabbinn vil fá fullt forræði? möguleiki að fara í mál en mundi hann vinna? líklegast ekki. Mamman þyrfti helst að ganga með sprautu í handleggnum til þess að dómari myndi dæma pabbanum í hag!

Svo eru það barnalögin: ef að pabbinn er ósáttur og ekki hægt að semja við mömmuna þá er hægt að fara til sýslumanns og hann mögulega tekur að sér málið og ákveður, innan marka, fyrir foreldrana hvernig skipulagið á að vera. Og ef að mamman svíkur að þá fær hún dagssektir. Ok.. þetta var víst ákveðinn sigur á sínum tíma.. en haldið þið virkilega að þessar mömmur sem að svíkja fái dagssektir og svo komi bara fólk og taki barnið af henni? nei svo aldeilis ekki! ég veit um hjón þar sem maðurinn á dóttir úr fyrra sambandi og hann hefur ekki fengið að sjá hana í 3 ár þrátt fyrir dómúrskurð um að hann ætti að fá hana reglulega.. finnst ykkur þetta eðlilegt???

Svo eru konur að væla um kynjamisrétti!! ég held að það séu margir pabbar þarna úti sem myndu með glöðu geði skipta við konur og lækka í tekjum ef þeir fengu að hafa börnin meira og jafnvel alltaf.. það er nefnilega bara þannig að karlmenn ráða ekki öllu...

múhahahaha..

4 myndir komnar!

fleiri munu svo bætast við á næstu dögum...

einn daginn..

..vaknaði Þyrnirós af værum svefni (þá er ég ekki að tala um 100 ára fegrunarblundinum) heldur þeim svefni sem stafast af því að eiga prins á hvítum hesti sem vakti hana með blautum kossi og brokkaði með hana burt á hvíta hestinum inn í sólarlagið...

en endaði sagan virkilega þannig? ætli Þyrnirós hafi kannski vaknað fyrir alvöru nokkrum mánuðum seinna þar sem hún sat í kastalanum og góndi út um steingluggann dreymin á svip á meðan prinsinn sveiflaði hárinu á hvíta hestinum og veiddi í matinn? ætli hún hafi hugsað með sér:,,heyrðu bíddu nú við! á ég bara að húka í þessum kastala og vera prúð og sæt bara af því að einhver prins gat vakið mig með kossi?? ég held nú síður!'' Svo kannski vippaði hún sér af sætinu, klippti af sér á hárið, klæddi sig í buxur og rauk út á tún og orgaði á prinsinn:,,heyrðu félagi.. ég er farin að vinna og eiga mér líf fyrir utan þennan svokallaða kastala og þitt sjálfumglaða glott!''

á meðan horfði prinsinn ringlaður á eftir prinsessunni sinni ríða gleið á hesti í burtu frá kastalanum... svo hefur hann eflaust sagt hálfvandræðalegur við vini sína:,,hún er örugglega á þessu mánaðalega..'' á meðan hann klóraði sér í pungnum..

ég veit ekki af hverju ég fór að pæla í þessu - kannski af því að ég hef óneitanlega gaman af disney myndum en finnst alltaf jafn merkilegt hvað það er alltaf látið líta út eins og kvennhetjurnar verði ekki ''heilar'' manneskjur fyrr en prinsinn kemur og vippar þeim á hvíta hestinum, smá pæling.

annars er ég engin rauðsokka, er alveg með jafnrétti og allt það - en er kannski ekki það ýkt að vilja taka yfir heiminn.

en hver veit.. kannskii fannst Þyrnirós bara fínt að vera prúð og sæt í kastalanum sínum?

væri samt gaman ef hún hefði gert þetta..

klapp klapp

mér tókst að eyða pening í föt og skó í dag!

nú hugsa flestar kellur með sér,,bíddu..er það eitthvað merkilegt?'' og svarið er: já það er það. ég er ekki þessi týpiska kona sem fær fiðrildi í magann við tilhugsunina um að fara í fataleiðangur, eiginlega fæ ég meira hroll og það þyrmir yfir mig, þetta er dagsatt! Það vantar eitthvað kvenkynsgen í mig sem fær mig til að slefa yfir orðinu TILBOÐ og ÚTSALA.. þið getið spurt allar mínar vinkonur, Rut þú veist þetta örugglega manna best enda finnst henni Rutlu minni ekkert ógeðslega gaman að fara með mér í búðir... en hey.. ég er þó ódýr í rekstri

eennn allavega tókst mér í dag að kaupa tvennar buxur, skó og peysu! þetta kalla ég framför!

angandi af fisk..

ákvað aðeins að kíkja hérna inn... vorum að koma frá Dalvík þar sem hinir frægu fiskidagar eru haldnir. Þarna flykkist fólk að úr öllum áttum til þess að éta fisk og lesa um fisk og ræða um fisk..

jújú þetta var barasta alveg ágætt - en verð þó að viðurkenna það að þetta er ekki alveg my cup of tea fínt að renna við en hjálpi mér allir heilagir ef ég ætti að fara að vera þarna heila helgi... með fullri virðingu fyrir Dalvíkingum og þessari hátíð.. en úff! það er svoleiðis troðið af fólki útum allt! í görðum.. þið ættuð að sjá tjaldsvæðin, það er svo troðið að þú getur fundið andfýluna úr náunganum í næsta tjaldi eða fyrirgefið.. næsta fellihýsi/tjaldvagni/húsbíl eða hvað þetta allt heitir.

Mig langaði ekki í fiskborgara, en hins vegar fékk ég mér hrátt hrefnukjöt og fannst það bara helv.. gott!

já þetta var fallega sagan um Dalvíkurferðina.

bleeeesssss

er ég ennþá með blogg?

já maður spyr sig.. engin færsla komin í ágúst. Setti ekki einu sinni inn afmæliskveðju til mín þegar ég átti afmæli

já enda mikið búið að vera að gera. Tengdó flutt í bæinn og nóg að gera þar á bæ. Svo var Verslunarmannahelgin og nóg að gera þá líka. Sunna kom fyrir viku síðan og það er náttúrlega bara æði.  Hún er líka yngri en 18 þannig að hún er velkomin til akureyrar...hehe

mér fannst algjör snilld þegar við vorum uppí stúku á sunnudagskvöldinu (á ak) að þá hlupu tveir strákar (held að þetta hafi verið strákar) yfir fótboltavöllinn með stórt skilti sem á stóð: VIÐ ERUM 20  það klöppuðu allir og góluðu þvi þetta er jú algjörlega útí hött að banna fólki frá aldrinum 18-23 að vera á tjaldstæðinu! Þetta er eiginlega bara mannréttindarbrot! eða ekki eiginlega, heldur er það það. Já því að 24 ára er sko strax skárra...... ??

eða er einhver regla að 42 ára hegði sér betur? æhh þetta er svo bjánalegt allt saman að það er eiginlega ekki þess virði að blogga um þetta..

held að ég fari bara að sofa.... já svo er kallinn að koma á morgun eða hinn.. ég blogga bara þegar ég er orðin 78 ára

nei bara grín!