hef verið frekar löt..

..við að blogga enda mikið að gera og líka ekkert að gera

Hún Sunna mín er hjá okkur. Sótti hana á föstudaginn og við vorum í bænum mestallan daginn að sleikja sólina fórum svo aftur daginn eftir og Alla kom þá með okkur líka. Vorum á Austurvelli þar sem Amnesty International var með tjald og leyfði gestum og gangandi að spreyta sig á að upplifa hvernig farið er með stríðsfanga. Til dæmis var ein aðferðin þannig að þú þurftir að liggja á platta sem hallaði alveg afturá bak og þú þurftir að liggja á bakinu. Því næst var sett handklæði yfir andlitið þitt og svo hellt vatni yfir ... Kristófer vildi endilega fá að prufa og ég sagði honum bara að spyrja (vissi alveg hvert svarið yrði en vildi að hann fengi að heyra það frá þeim) og auðvitað var þetta ekki fyrir börn því fullorðið fólk hélt ekki út nema í nokkrar sekúndur..ekki skrýtið svo sem. En skoðaði sig um og spurði og spurði. Bað mig um pening til að styrkja þau en ég var bara með kort en Alla átti nokkra aura en svo kom hann tilbaka með nælu sem átti að kosta 1500 kr en þau gáfu honum hana vegna þess hve áhugasamur hann var þetta á alveg við hann. Hann er samt búinn að gefa það út að hann ætli að verða lögfræðingur þegar hann er orðinn stór og fara svo á þing hehe það er gott hjá honum - hann á pottþétt eftir að berjast fyrir góðum málefnum

annars er bara það að frétta að mútta mín er að koma aftur til mín á miðvikudaginn til þess að hjálpa mér að pakka og tengdamútta kemur á fimmtudeginum, þær verða báðar hjá mér.. mörgum myndi hrylla við tilhugsunina að hafa báðar mútturnar en mér finnst það æði

við ætlum líka að fara í lúxusandlitsbað á Nordicahótel,næs! En annars held ég að við verðum bara á fullu að pakka því að Rikki kemur í land á föst (eða fim) og þá flytjum við á mán (eða sun) eftir því hvenær hann kemur í land, en það kemur í ljós á morgun.. jebb þetta fer allt að styttast.. we are leaving

en það þýðir ekkert að babla of mikið svona seint að nóttu, ég læt ykkur allavega vita þegar niðurstöður eru komnar úr glasa, fer í blóðprufu á fim. en verð samt að segja að mín er ekkert rosalega vongóð.. er komin með túrverki og túrhausverkinn, líkaminn er að akta eins og öll hin skiptin.. er nánast að afskrá þetta skiptið líka

eeen þangað til næst; verið hress, ekkert stress, bless bless

Athugasemdir

[Sigrún K (IP-tala skráð) 4.7.2007 kl. 01:37]

get ekki beeeeeeeeeðið eftir að fá þig norður

roooosa margt sem við þurfum að rifja upp....  svo ég segi ekki meir... þetta er jú internetið !!

Gangi þér best dúllan mín 

*Lov you always*